.png)
Ish-lideri i fundit i Bashkimit Sovjetik, Mikhail Gorbaçov është ndarë nga jeta në moshën 92-vjeçare.
Gorbaçovi, sundimi i trazuar i të cilit lidhej me termat perestrojka dhe glasnost (reformë dhe hapje) vdiq pas një sëmundjeje të gjatë, njoftuan agjencitë shtetërore ruse të lajmeve.
“Mikhail Sergeevich Gorbachev vdiq këtë mbrëmje pas një sëmundjeje të rëndë dhe të zgjatur,” -deklaroi Spitali Klinik Qendror, sipas RIA / Novosti të martën.
Lideri i tetë dhe i fundit i Bashkimit Sovjetik, ishte Sekretar i Përgjithshëm i Partisë Komuniste të Bashkimit Sovjetik nga viti 1985 deri në vitin 1991. Ai ishte gjithashtu kreu i shtetit nga viti 1988 deri në 1991, duke shërbyer si kryetar i Presidiumit të Sovjeti Suprem nga viti 1988 deri në 1989, kryetar i Sovjetit Suprem nga viti 1989 deri në 1990 dhe president i Bashkimit Sovjetik nga 1990 deri në 1991.
Edhe pse i përkushtuar për të ruajtur shtetin sovjetik dhe për idealet e tij socialiste, Gorbaçovi besonte se reforma domethënëse ishte e nevojshme, veçanërisht pas katastrofës së Çernobilit të vitit 1986. Ai u tërhoq nga Lufta Sovjetike-Afgane dhe filloi takimet me presidentin e Shteteve të Bashkuara Ronald Reagan për të kufizuar armët bërthamore dhe për t’i dhënë fund Luftës së Ftohtë. Ai u përpoq të decentralizonte vendimmarrjen ekonomike për të përmirësuar efikasitetin.
Gorbaçovi refuzoi të ndërhynte ushtarakisht kur vende të ndryshme të Bllokut Lindor braktisën qeverisjen marksiste-leniniste në vitet 1989-1990.
Në brendësi, ndjenjat nacionaliste në rritje kërcënuan të shpërbënin Bashkimin Sovjetik, duke i shtyrë palët e vijës së ashpër marksiste-leniniste të nisnin grushtin e pasuksesshëm të gushtit kundër Gorbaçovit në vitin 1991.
Në vazhdën e kësaj, Bashkimi Sovjetik u shpërbë kundër dëshirës së Gorbaçovit dhe ai dha dorëheqjen. Pas largimit nga detyra, ai themeloi Fondacionin e tij Gorbachev, u bë një kritik i zëshëm i presidentëve rusë Boris Yeltsin dhe Vladimir Putin dhe bëri fushatë për lëvizjen social-demokratike të Rusisë./CNN
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
