.png)
Covid-19 i ka marrë jetën një tjetër mjeku. Mihal Kerci, mjek anestezist ka ndërruar jetë në spital, pas disa ditësh që ishte shtruar. Lajmin e ka bërë të ditur Shoqata e Anesteziatëve, e cila paraprakisht kishte njoftuar të premten se gjendja e mjekut ishte përkeqësuar.
Profesor Kerci ishte njëkohësisht dhe kreu i kësaj shoqate. Ai gjendej nën asistencë respiratore dhe nën kujdesin e mjekëve por sërish nuk arriti që të fitojë betejën kundër koronavirusit.
Deri më tani në Shqipëri, 24 mjekë kanë humbur betejën me armikun e padukshëm COVID-19. Përmes një postimi në Facebook, mjekja gjinekologe, Anika Dokle ka postuar një foto me të gjithë mjekët që kanë humbur betejën duke i shprehur mirënjohjen për kontributin e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
