.png)
Nga Gazeta Si- Aktivistë të shoqërisë civile i janë drejtuar Gjykatës Kushtetuese duke paditur vendimin e ministrisë së Brendshme për ndalimin e qarkullimit të monopatinave elektrike.
Sipas tyre, përdorimi i monopatinave redukton numrin e automjeteve në qarkullim si dhe lehtëson problemin e parkimeve.
Në muajin dhjetor Ministria e Brendshme ndaloi përdorimin e monopatinave për shkak të rritjes së numrit të aksidenteve. Bllokimi do të ishte në fuqi për një kohë të shkurtër, deri në hartimin e masave të reja për lejimin e tyre por edhe pse kanë kaluar muaj, ende nuk ka një kuadër ligjor të përdorimit të tyre.
Në padi, kërkohet që udhëzimi të shpallet i papajtueshëm me Kushtetutën, të pezullohet menjëherë deri në përfundimin e shqyrtimit gjyqësor dhe qytetarëve t’iu rikthehen menjëherë mjetet e bllokuara.
Në padi listohen disa arsye pse ky udhëzim duhet të shfuqizohet.
Sipas aktivistëve, udhëzimi cenon lirinë e lëvizjes së qytetarëve, cenon lirinë ekonomike dhe veprimtarinë e ligjshme tregtare, ndërhyn në të drejtën e pronës, shkel parimin e proporcionalitetit, cenon sigurinë juridike si dhe tejkalon kompetencën normative të autoritetit administrativ.
“Autoriteti administrativ ka zgjedhur masën më ekstreme të mundshme, duke eliminuar tërësisht përdorimin e këtyre mjeteve”, theksohet në padi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje