.png)
Sezoni i ri i basketbollit në Amerikë do të nisë më 22 dhjetor, ndërsa fushat e stërvitjes do të jenë të hapura që më 1 dhjetor. Do të jetë një sezon i rregullt, me 72 ndeshje, si dhe me një shkurtim pagash nga lojtarët deri në masën 18%.
Me dollarët që do të kursehen nga shkurtimi i pagave, do të krijohet një fond që në fund do t’u shpërndahet pronarëve të skuadrave që ata të përballojnë humbjet e këtyre muajve për shkak të pandemsië. Kjo është një nga pikat kryesore të marrëveshjes mes lojtarëve dhe pronarëve të tyre për sezonin 2021/2022.
Bëhet fjalë për një shifër prej 800 milionë dollarësh që nuk do të shpenzohet, ndërsa disa nga yjet e NBA-së do të shohin pagat e tyre që të pësojnë një ulje drastike. LeBron Xhejms, sa për të dhënë një shembull, nga 39.2 milionë dollarë, do të përfitojë 32.2 milionë dollarë. Zyrtarizimi i akordit është vetëm çështje orësh.
Fillimi i ndeshjeve në fund të dhjetorit do të bënte që liga të fuste në arkat e saj, rrjedhimisht edhe ato të lojtarëve, nga gjysmë miliardi në një miliard dollarë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje