.png)
Një listë e mbushur me kampionë të “Hall of Fame”, ndër pasuesit më të mirë që basketbolli ka parë ndonjë herë. Këta gjeneralë të parketit e ndërtuan suksesin e tyre për më shumë se një dekadë duke lënë një shenjë të përhershme në librat e historisë. Ju njohim me pasuesit më të mirë në NBA:
1. John Stockton – 15.806
Stockton rregjistroi më shumë se 10 asist për ndeshje të paktën në 10 sezone në karrierën e tij 19 vjeçare.
2. Chris Paul – 12.410*
Në 7 skuadrat ku ka luajtur, Paul ka qënë gjithnjë një “leader” dhe në sezonin e 20 në NBA ai shpreson të fitojë titullin e parë pasi u ngjit i dyti në këtë klasifikim në dëm të Jason Kidd.
3. Jason Kidd – 12.091
I njohur për vizionin tij të fushës, Kidd gërshetoi krijimtarinë dhe preçizionin për tu shndërruar në një nga pasuesit më të mirë gjatë 19 viteve si lojtar. Si shumë të tjerë në këtë listë ai do të mbahet mend për përmirësimin që pësnin skuadrat ku ai luante.
4. LeBron James – 11.504*
Diçka e jashtëzakonshme që Shënuesi më i mirë i historisë është i katërti në listës e pasuescve të NBA. Gjatë karrierës së tij James është zhvilluar si një ndër pasuesit më të mirë duke treguar aftësinë si një “leader” në parket në aventurën e dytë me Cavs dhe aktualisht te Lakers.
5. Steve Nash – 10.335
Aftësia e Nash për nisjen e sulmeve të shpejta dhe mjeshtëria në passim e ndihmoi të dominonte mbrojtjet për 18 vitet e karrierës. Vizioni dhe stili i lojës e ndihmuan dy herë fituesin e çmimit “MVP” të ndryshonte basketbollin duke qënë model për shumë pasardhës në parket.
6. Mark Jackson – 10.334
Një organizator i vërtetë, Jackson realizoi mesatarisht më shumë se 8 asist për ndeshje në 9 sezone duke dhënë një kontribut sinjifikativ për fitoret dhe përmirësimin e skuadrave, mgjs nuk u shpall asnjëherë kampion në NBA.
7. Magic Johnson – 10.141
Johnson që dha më shumë se 10 asist për ndeshje në 9 nga 13 sezone në NBA e realizoi totalin në 906 ndeshje – më pak se ç pjesëtar tjetër i kësaj liste. Ai kombinoi aftësinë në pasim me efiçencën në shënim dhe prezencën në tabelë ku fitoi të paktën 5.7 ribaund për ndeshje në çdo sezon. Thënë këto ai do të mbahet mend si një ndër më të mirët në të gjithë fushën e basketbollit.
8. Oscar Robertson – 9.887
Robertson ishte një nga lojtarët më të kompletuar që kemi parë duke u bërë i pari lojtar me një “triple-double” për tërë sezonin. Impakti i tij në të gjitha aspektet e lojës ndihmoi në transformimin e mënyrës së aktivizimit të organizatorit duke u ndjekur nga shumë basketbollistë të rinj.
9. Russell Westbrook – 9.839*
Nga një Mbret i “triple-double” te një tjetër gjejmë Westbrook që i grumbulloon statistikat e tij në një mënyrë të ndryshme nga rivalët në këtë klasifikim. Duke përdorur zakonisht shpërthimin atletik dhe forcën e xhirimit në mbrojtjen kundërshtare përpara se të gjejë një shok skuadre të lirë.
10. Isiah Thomas – 9.061
Pjesëmarrës nw “All-Star” në 12 nga 13 vitet në NBA, Thomas ishte zemra dhe shpirti i “Bad Boys” Detroit Pistons që fituan dy tituj rradhazi në. Në momentet deçizive topi ishte në duart e Zeke-s duke udhëhequr skuadrën në shumë fitore me përmbysje.
* Lojtarë ende në aktivitet
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
