Nga Gazeta 'Si' - Ndihmëssekretari i NATO-s, Boris Ruge, pas vizitës në Kosovë, ku është takuar me zyrtarë të shtetit, ka vazhduar vizitën e tij në Serbi.
Ruge është takuar sot me presidentin serb Aleksandar Vuçiç.
Përmes një postimi në “X”, Ruge ka shkruar se NATO-ja pret nga Serbia që të ndihmojë në sigurimin e përgjegjësisë për aktet e dhunës që ndodhën veri gjatë vitit të kaluar.
Good exchange with President @avucic on NATO #Serbia relations which we hope to see deepened. We also discussed regional issues, including lasting security in Kosovo. #NATO looks to Serbia to help ensure full accountability for the violent acts of May & September 2023. pic.twitter.com/Pkf096abxR
— Boris Ruge (@RugeBoris) August 21, 2024
“Diskutim i mirë me presidentin Aleksandar Vuçiç për marrëdhëniet e NATO-s me Serbinë, të cilat shpresojmë t’i shohim të thelluara. Ne diskutuam gjithashtu çështjet rajonale, duke përfshirë sigurinë e qëndrueshme në Kosovë. NATO-ja pret që Serbia të ndihmojë në sigurimin e përgjegjësisë së plotë për aktet e dhunës të majit dhe shtatorit 2023”, shkroi Ruge.
Kujtojmë që në maj të vitit të kaluar ndodhën përplasje në Zveçan gjatë marrjes së pushtetit nga kryetarët shqiptarë të komunave dhe më pas në shtator ndodhi sulmi i Banjskës ku mbeti i vrarë nga serbët rreshteri Afrim Bunjaku.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.