.png)
NASA do të dërgojë roverin e saj vitin e ardhshëm për të eksploruar Jezer Crater në Planetin Mars - që dikur ishte vendndodhja e një liqeni të lashtë. Rover, i cili është planifikuar të niset me fluturimin e vitit 2020, është i pajisur me një sistem shpimi që mund të mbledhë dhe ruajë mostrat e gurëve që përmbajnë gjurmë në të kaluarën e lashtë të Marsit. Sapo mostrat të ruhen, NASA shpreson të dërgojë misionet pasuese për të marrë mostrat dhe t'i kthejë ato në Tokë.
"Marrja e mostrave nga ky sistem liqenor do të revolucionarizojë atë që mendojmë për Marsin dhe aftësinë për të jetuar jetën", tha Thomas Zurbuchen, administrator i asociuar i NASA-s për shkencën. Zgjedhja e vendit të zbarkimit erdhi pas disa vitesh hulumtimit dhe ditëve të debatit të ashpër mbi vendin më të mirë për të kërkuar dëshmi të jetës së lashtë në një botë të huaj.
Ndër alternativat që u morën parasysh ishin edhe vendet e quajtura "Columbia Hills" dhe "Syrtis Verilindor", ku mendohet se ka pasur prani uji nëntokësor.
Në një konferencë që u mbajtë të hënën, shkencëtari Ken Farley përshkroi sistemet e deltave si "jashtëzakonisht të mira në ruajtjen e biosignatures".
Ne duam të kërkojmë dëshmi të jetës së lashtë në Mars", tha Farley. "Aktualisht sipërfaqja e Marsit është shumë e thatë, dhe e ftohtë".
Rezultatet nga kërkimet e bëra më përpara kanë zbuluar se Marsi nuk ishte gjithmonë bota e shkretëtirës që shohim sot. Vullkanet e fjetur sugjerojnë se dikur ka pasur aktivitet intensiv vullkanik. Dhe forma e tokës si delta e tharë në kraterin Jezero tregojnë se dikur ka ekzistuar uji në sipërfaqe.
Nëse ndodh këtu, pse jo atje?
Krateri Jezero është vendi më i mirë në Mars për ta hetuar këtë pyetje, tha Tim Goudge, një gjeolog në Universitetin e Teksasit në Austin.
"Shkëmbinj sedimentare na tregojnë historinë e asaj që po ndodh në një vend", tha Goudge.
Lori Glaze, drejtoreshë e Departamentit të Shkencave Planetare të NASA-s, u tha gazetarëve se ky mision do të përcaktojë dekadën e ardhshme të eksplorimit marsian.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
