Më pak se një muaj më parë, mes lotësh në konferencë shtypi, pas humbjes me Leila Fernandez në “Us Open”, ajo tha: “Po marr pak pushim nga tenisi. Nuk e di kur do të kthehem”. Tani Naomi Osaka duket më e qetë dhe gjatë një transmetimi të “HBO” është shprehur: “E di që do të kthehem të luaj dhe me shumë mundësi, shumë shpejt, sepse e ndiej sërish atë dëshirë. Nuk më intereson shumë, nëse fitoj apo humb, ajo që dua është të ndjej shtysën për t’u kthyer në fushë”.
Japonezja, që mes Slam-eve të humbura (Roland Garros dhe Uimbëlldon) dhe ndeshjesh të humbura ka dalë nga 5-shja e parë, ka pranbuar se ka probleme, mbi të gjitha në lidhje me shtypin. “I kam dashur gjithmonë kompeticionet dhe zakonisht, sa më e gjatë ishte ndeshja, aq më e kënaqur isha, por kohët e fundit ndjeva se sa më shumë qëndroja në fushë, aq më keq ndihesha. Kisha vërtet nevojë për një pauzë”, – ka shtuar Osaka.
Tenistja japoneze ka shumë mundësi të kthehet në “Wta Finals”, sepse nga “Indian Wells” ka hqur dorë. Ajo ka marrë mnenjëherë mbështetjen e Roxher Federer, i cili ka folur në lidhje me çështjen e tenistëve dhe shëndetit mendor.
“Gazetarë dhe sportistë, të gjithë duhet të ulemi dhe të diskutojmë për situatën, – ka thënë një intervistë për “GQ” zvicerani. – Duhet një revolucion, ose të paktën një evolucion i situatës aktuale. Edhe unë, kur nuk jam në humor të mirë, duhet të kem një lloj sjelljeje ndaj shtyp[it botëror. Është e vërtetë, jemi sportistë profesionistë, por jemi edhe qënie njerëzore”.
Sipas Federerit, duhet bërë diçka për të mbrojtur më të rinjtë, yjet e rinj, si Naomi Osaka pak vite më parë dhe Ema Radukanu në Uimbëlldon, që është sulmuar në rrjetet sociale. “Janë histori të pabesueshme si ajo e Naomit, ashtu edhe e Emës. Stresi është i madh dhe mbi të gjitha pjesa më e madhe e presionit vjen nga rrjetet sociale. Nuk arrij ta imagjionoj si do të ishte fillimi i karrierës sime, nëse do të ishin këto rrjete. Pas 10 mesazhesh pozitive ka gjithmonë një negativ dhe natyrisht është ai që merr vëmendjen. Është një situatë e tmerrshme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
