.png)
Gazeta Si – Një person është arrestuar dhe tre të tjerë janë proceduar penalisht në gjendje të lirë për kërcënimin ndaj një 29-vjeçari, të cilit i kërkonin 30 mijë euro me pretendimin se ua kishte borxh gjatë kohës që kishin qenë në Spanjë.
Në pranga ka rënë Ersi Cekani, i cili së bashku me vëllezërit e tij dhe 3 shokë të tjerë, një ditë më parë kanë kërcënuar të riun në Tiranë.
Mësohet se ai i dërgonte mesazhe 29-vjeçarit duke i thënë se do e vriste, nëse nuk i kthente lekët që i kishte borxh. Madje, e ka ndjekur duke i fotografuar dhe banesën si formë kërcënimi.
Njëri prej vëllezërve të Cekanit, u procedua penalisht, ndërsa tjetri është ende në kërkim. Mësohet se tre vëllezërit nga Librazhdi janë me precedentë të mëparshëm penalë për armëmbajtje pa leje dhe vepra të tjera penale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
