Myrto Uzuni ia ka dalë të bëhet golashënuesi më i mirë i Granadas në gjithë historinë e klubit spanjoll, duke gjetur 46-të gola me fanellën e këtij ekipi.
Për javën e 18-të në La Liga 2, Granada fitoi 3-0 kundër Racing Santander. Goli i dytë dhe i tretë i vendasve u shënua nga Myrto Uzuni në minutën e 53-të dhe 76-të, çka solli realizimin e 11-të në 15 ndeshjet e këtij sezoni.
Me këtë gol beratasi i Kombëtares lë pas një emër si Youssef El Arabi (44 gola), që deri më sot mbante rekordin. Tanimë emri i Uzunit është shkruar me gërma të arta në Spanjë, të paktën për klubin e Granadas.
10ème ⚽️ de la saison de M. Uzuni
— Football Albanais (@FutbolliShqipFR) December 7, 2024
pic.twitter.com/cXbAp2Cxq6
Myrto Uzuni në 103 takime ka shënuar 46 gola me Granadan. Veç golave Uzuni për ndeshjen e dytë radhazi ka edhe shiritin e kapitenit te Granada.
Pas ndeshjes, në rrjetet sociale Granada i ka bërë jehonë rekordit të Uzunit, duke lëvduar sulmuesin kuqezi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
