Ka një Mussolini që luan me Lazion. Jo, nuk është një rast homonimi. Prejardhja është e drejtpërdrejtë: është stërnipi i Duçes. Djali i Alessandra dhe Mauro Florianit. Mbiemër i rëndë, një kombinim i rrezikshëm. Një gjë shpesh abuzohet dhe refuzohet nga një pjesë e madhe e njerëzve tifozëve që nuk e gjejnë veten në binomin fashist-Lazio. Por e gjithë kjo nuk e prek Romanon, i cili nuk ka pasion për politikën. Thjesht mendon për futbollin. Ai sapo mbushi 18 vjeç më 27 janar dhe luan si mbrojtës i djathtë. Por ai është gjithashtu i mirë edhe si qendror.
Mbiemri është i ‘’rëndë’’, por as kjo nuk ka shumë rëndësi për të. Aq sa i zgjodhi të dy. E të mendosh se ai gjithashtu ka gjashtë emra të regjistruar në kishë: Romano dhe Maria, si gjyshërit e tij nga nëna, Benito si stërgjyshi i tij, Mauro si babai i tij, Magid si burri i dytë i gjyshes së tij nga nëna dhe Andrea, si burri i hallës së tij Elisabetta. Është e qartë se cili nga mbiemrat bie në sy. Menjëherë vërehet në listat dhe rezultatet e ndeshjes. Sidomos ato të dy të fundit, duke qenë se është thirrur nën moshë me të rinjtë e Menichinit.
Herën e parë më 23 janar, në humbjen kundër Milanit, të dytën të shtunën e kaluar në disfatën me Juventusin. Megjithatë, Romano mbeti i ulur në pankinë. Ka kohë për të debutuar. Ndoshta momenti jo shumë i mirë për skuadrën, në mesin e klasifikimit, mund ta ndihmojë atë të bëjë hapin e madh. Nga ana tjetër, karakteri është pika e tij e fortë. Mbërriti tek Lazio në sezonin 2016/17, i shkëputur nga Roma, ku kishte qenë pjesë e grupit të parë të Akademisë verdhekuqe të udhëhequr nga tekniku Ciaralli. Fizik shtatlartë, 1.86 centimetra, me gjymtyrë të gjata që e lejojnë të ketë përparësi në ndërhyrje. Mes moshës 14 dhe 16 vjeçare, ai luftoi për të gjetur hapësirë midis titullarëve. Nuk ankohet kurrë dhe tek Lazio duan të theksojnë se nga familja nuk ka patur asnjë presion.
Curva Nord, midis përshëndetjeve romake, motive raciste dhe figurave të Anna Frank, nuk humbet kurrë një mundësi për të rimarrë traditën e saj fashiste. Ndoshta dikush do të shohë një mundësi për të lavdëruar Duçen pa u ndëshkuar nga Federata. Futbollisti mendon për topin dhe nuk është i vetmi që duhet të merret me një trashëgimi të rëndë , i ndjekur gjithmonë me një sy të veçantë nga presidenti i klubit Claudio Lotito dhe krahu i tij i djathtë i besuar, Igli Tare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
