Gazeta Si – Kosova mundi sot 3-2 Irlandën e Veriut në stadiumin ‘Fadik Vokrri’. Njeriu i ndeshjes ishte pa dyshim sulmuesi Vedat Muriqi, autor i dy golave.
Ndeshja nisi shumë mirë për Kosovën, që realizoi dy gola të shpejtë. Muriqi zhbllokoi me penallti fillimisht, më pas ishte Bytyqi që dyfishoi, pas një asisti të Rashicës.
Në fundin e pjesës së parë irlandezët rihapën ndeshjen me golin e Laveri. Por sërish mendoi Vedat Muriqi. Ai shënoi edhe golin e tretë në fillim të pjesës së dytë për dardanët.
Minutat e fundit të ndeshjes pati edhe pak ankth në ‘Fadil Vokrri’, pasi miqtë shkurtuan sërish në 3-2 me Balard, por pa mundur të barazonin.
Ishte fitorja e dytë në grup për Kosovën në Ligën e Kombeve. Dardanët bëjnë pjesë në grupin 2 të Ligës C. Pas 3 ndeshjeve të para, skuadra e trajnerit Alen Zhires ka 6 pikë dhe mban vendin e dytë, pas Greqisë.
Pikërisht ndaj këtij kundërshtari Kosova u mund në shtëpi. Në ndeshjen e parë Kosova mundi Qipron në transfertë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
