.png)
Nga Gazeta Si – Beşiktaş dhe Trabzonspor arritën marrëveshjen për huazimin e Ernest Muçit për sezonin e ardhshëm.
Muçi mbërriti në Trabzon dhe per median që e priti në aeroport zbuloi se ka biseduar ndërkohë me trainerin Fatih Teke që drejton Trabzonspor.
Gjigandët e “Super Lig” përforcohen ndjeshëm në linjën e tyre të sulmit me huazimin nga rivalët e Beşiktaş.
Ernest Muçi po kalon një dëmtim të lehët që e la jashtë grumbullimit me Kombëtaren për ndeshjet ndaj Gjibraltarit dhe Letonisë.
Por një gjë e tillë nuk e pengoi Trabzonspor të avanconte dhe konklodonte huazimin e tij.
Skuadra e “Black Sea” ka përfshirë në kontratë edhe një opsion blerjeje por që nuk është i detyrueshëm.
Mirëpo Muçi u shpreh se do të bëjë gjithçka që transferimi të shndërrohet nga huazim në definitiv në verën e vitit 2026.
24 vjeçari kuqezi luajti vetëm 6 ndeshje për Beşiktaş në sezonin e kaluar. Kontrata e tij me “Black & Whites” vlen deri në vitin 2027.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
