.png)
Gazeta Si – Spanjolli konfirmohet në Madrid, mund Struf në finale 6-4, 3-6, 6-3, duke fituar Masters 1000 e 4-t në karrierë. Në Romë mund të parakalojë serbin Novak Gjokoviç.
Nuk ndalet Karlos Alcaraz. Në Madrid, ku kishte fituar titullin edhe vitin e kaluar, mundi Jan-Lenard Struf pas 3 setesh. Ishte finalja e 4-t në një Masters 1000 në karrierë dhe në të gjitha Alkaraz ka arritur të bëjë të tijin trofeun.
Super tennis ⚡️@carlosalcaraz takes an important lead in the final set!@MutuaMadridOpen | #MMOPEN pic.twitter.com/tlh1rv8Llx
— ATP Tour (@atptour) May 7, 2023
Tenisti gjerman, protagonist i përrallës së javës dhe finales së parë në moshën 33-vjeçare, u dorëzua ndaj një kundërshtari dukshëm më të fortë dhe që do të shkojë në Paris si favorit. Alkaraz, që kishte humbur me Struf në Roland Garros 2021 dhe e kishte mundur atë me 5 sete vitin e kaluar në Uimbëlldon, e mbylli finalen pas 2 orësh e 25 minuta.
Me këtë rezultat Karlos shkon në 5 pikë pas Gjokoviçit, numrit 1 të renditjes botërore. Tani serbi është nën presion, sepse duhet të mbrojë 1000 pikët e vitit të kaluar të fituara në Romë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
