Gazeta Si – Pas ndërhyrjes për kurimin e tumorit në testikuj, Sebastien Haler ka rifilluar stërvitjen. Sulmuesi i Borusia Dortmund ia ka dalë të mposhtë kancerin dhe të kthehet në fushat e blerta.
Haler zhvilloi sot një seancë stërvitore të personalizuar në qendrën sportive të ish-klubit të tij, Ajaksit. Lajmi është konfirmuar nga trajneri Shreuder: “Na kërkoi që të stërvitej në kompleksin tonë dhe ne pranuam, sigurisht”, – tha ai.
Haler u ble në merkaton e verës nga Borusia Dortmund për të zëvendësuar Haland, që kaloi te Mançester Siti. Por vetëm pak kohë pas kalimit në Gjermani, ai u diagnostikua me kancer. Tashmë ajo situatë e vështirë për lojtarin dhe klubin ka kaluar, sulmuesi është rikthyer.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
