Në konferencë shtypi trajneri i Romës, Zhoze Mourinjo, tha se nuk donte të fliste për asgjë tjetër veç Bodos. Pas pak orësh ai duket se u mendua mirë dhe u rikthye tek episodet në disfavor të skuadrës së tij nga vendimet e arbitrave. Ai është përqendruar te ndeshja e Torinos me Juventusin dhe në profilin e tij në Instagram ka bërë një postim provokues.
Mourinjo ka publikuar imazhet e penalltisë së gjuajtur dhe humbur nga Veretu në “Stadium”, ku duket qartë se në zonë, në momentin e gjuajtjes së francezit, Kielini është i pari që hyn para të tjerëve.
Më pas Mourinjo ka publikuar fotografinë e penalties së gjuajtur dhe humbur nga Dibala në Ligën e Kampionëve ndaj Zenitit, që u përsërit nga arbitri. “Njëra është përsëritur, tjetra jo. Gjejeni cila!”, – shkruan portugezi në këtë postim. Kanë kaluar në fakt tri javë nga ndeshja me Juventusin, por Mourinjo nuk harron lehtë dhe me thumbimet e tij ndez shpesh polemika të mëdha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
