Gazeta Si – Mund ta kenë harruar të gjithë, por eksperiencën e parë si trajner Zhoze Mourinjo e ka pasur te Benfika. Në verën e 2000-shit ai zgjodhi të linte Barcelonën, ku ishte formuar në stafin e Bobi Robson dhe Luis van Gal, për të zëvendësuar disa muaj një shenjtor të futbollit botëror, si Jup Hejkes.
Pastaj Mourinjo la edhe klubin nga Lisbona për t’i impresionuar të gjithë me Uniao Leirian dhe për të nisur një karrierë të jashtëzakonshme në krye të Portos. Tani ‘Special One’, pas largimit nga Roma, është gati të kthehet te klubi ku nisi gjithçka para 24 vitesh, edhe pse për pak muaj.
Sipas shtypit portugez, Mourinjo është shumë afër Benfikës. Klubi portugez ka menduar që t’i besojë stolin trajnerit të njohur, por ka një kusht. Mourinjo do të marrë drejtimin e Benfikës, nëse trajneri aktual, gjermani Roger Shmidt, vendos të largohet.
Një mundësi kjo që nuk mund të hidhet poshtë, duke qenë se Benfika është 4 pikë larg Sporting Lisbonës kryesues dhe me një ndeshje më shumë. Nëse skuadra dështon edhe në Ligën e Europës, ku në çerekfinale përballet me Olimpik Marsejën, atëherë mundësia që Shmidt të largohet është vërtet e madhe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
