Marash Kumbulla është në vështirësi, aventura e tij te Roma nuk po shkon siç pritej. Trajneri Mourinjo e ka aktivizuar në disa ndeshje kampionati dhe europiane, por ka qenë më shumë një vendim i ndikuar nga mungesat, se sa nga forma e mbrojtësit të Kombëtares shqiptare.
Situtën e Kumbullës po e ndjekin me kujdes disa klube italiane, që duan të përfitojnë. Disa ditë më parë shtypi italian publikoi një lajm, sipas të cilit lojtari i Romës i është propozuar Napolit, duke parë largimin e Manolasit. Nëse kjo pistë do të rezultonte e vërtetë, atëherë Kumbulla do të ribashkohej me Amir Rrahmanin. Të dy kanë luajtur titullarë te Verona.
Së fundi është pikërisht trajneri i Veronës, Ivan Juriç, i cili dëshiron të ketë Kumbullën te Torino, skuadra që drejton aktualisht. Juriç është ai që e lançoi Kumbullën në Serinë A dhe ia di mirë vlerat. Ai ka dalë hapur se e do mbrojtësin shqiptar, madje Torino është gati të ofrojë edhe lojtarë në shkëmbim.
Gjasat janë që Kumbulla, duke parë edhe hapësirat e pakta, të largohet nga Roma, por duket e vështirë që kjo të ndodhë që në merkaton e dimrit. Para se futbollisti kuqezi të kalonte te Roma, për të ka pasur interesim edhe nga klubet e mëdha angleze.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
