Gazeta Si – Pas finales me Seviljen, trajneri i Romës ka shpërthyer kundër arbitrit Tejlor, mbi të gjitha për një pernallti të padhënë. Më parë i kishte hedhur medaljen një fëmije në tribunë.
Finalja e parë e humbur në Europë e ka bërë të ndihet keq dhe Zhoze Mourinjo e ka shkarkuar gjithë tërbimin e tij pas ndeshjes në Budapest. Ai është kryqëzuar me arbitrat në parkingun nëntokësor të ‘Puskas Arena’ dhe ka sulmuar anglezin Tejlor, pasi nuk dha një penallti në favor të Romës për prekje me dorë të topit në zonën e Seviljes.
Jose Mourinho to Anthony Taylor: “You’re a f**king disgrace!!!”
— ChelsTransfer (@ChelsTransfer) June 1, 2023
😳
(🎥 via @tvdellosport) pic.twitter.com/l9mxOBn8wd
Mourinjo përdori fjalë të rënda fyese ndaj arbitrit britanik, që ishte duke hipur në minibusin e arbitrave, edhe pse u përpoq të përmbahej për të evituar sanksionet nga UEFA.
Disa minuta më parë ‘Special One’ u bë protagonist i një tjetër gjesti të diskutueshëm sapo u mbyll cerimonia e medaljeve. Ai e hodhi medaljen e vendit të dytë në tribunë, ku e mori një fëmijë, siç tregojnë pamjet. Nuk e hodhi me zemërim, por sërish është një tregues i një gjendjeje shpirtërore të trazuar të trajnerit portugez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
