Mourinho zbarkoi në Fiumicino në orën 8.30 të mbrëmjes, kur dielli ishte ende i nxehtë dhe autostrada ishte e mbushur me njerëz që ktheheshin nga deti. Dyzet ditë pas fitores së Ligës së Konferencës, Roma i rikthehet punës ku ditën e sotme kanë të caktuar takimin dhe nga data 12 deri më 24 gusht Roma do të transferohet në Portugali. Pas një periudhe pushimesh, gjatë së cilës ka ndjekur gjithmonë merkaton e Romës, trajneri ka krijuar dilema për rikthimin e tij, duke postuar foto në rrjetet sociale, duke ripërsëritur dëshirën e tij për një ekip konkurrues. Tiago Pinto është në gjysmë të rrugës. Mungojnë dy mesfushorë për të arritur objektivin e vendosur nga Mourinho dhe më pas enigma Zaniolo mbetet për t’u zgjidhur.
Trajneri portugez është gati të rikthehet në punë. Me një entuziazëm të pandryshuar, nisur nga ku e la: nga triumfi i Tiranës. Për t’i bërë tifozët Giallorossi të përjetojnë ende momente të bukura, ai ka nevojë për një ekip konkurrues. Ai dëshiron të rikthejë Romën në Champions League, por ka ende distancë me Interin, Juventusin dhe Milanin. Kur u largua nga Terminali 3 në orën 21.04, gjeti pesë gazetarë. Me veshje sportive, xhinse, bluzë blu, atlete, syze në kokë dhe shumë serioz, ai shmangu gazetarët duke i ndalur në pyetjen e parë: “Flas më 13 gusht”.
Mourinho nuk donte të bëjë deklarata, duke shtyrë takimin me gazetarët në prag të debutimit të kampionatit në Salerno. Ai tha “Mirupafshim” dhe u largua me makinën e tij dhe me shqetësimet e tij për të.
Tiago Pinto vazhdon negociatat. Për Zaniolo, Roma mund të zbresë në 40 milionë, por ai kërkon vetëm para. Në bisedimet me Milanin u supozua një ofertë 30 milionë plus Castillejo, por Roma nuk pranoi. Mourinho mund të pëlqejë Pobega, 22 vjeç, një mesfushor qendror, të cilin Pioli, megjithatë, absolutisht nuk dëshiron ta largojë. Me Milanin që do të kundërshtojë, ashtu si me Juventusin, për Zaniolo Roma është në pritje të një oferte që mund ta konsiderojë të kënaqshme. Një ofertë që ende nuk ekziston. Bisedimet me Sassuolo për Frattesin do të rifillojnë këtë javë. Volpato është çelësi i operacionit, Carnevali ka pranuar të hyjë në sulmues pasi ka refuzuar Feliksin.
Mourinho dëshiron të nisë sezonin për t’i dhënë vazhdimësi skuadrës. Ai arriti një rezultat të madh, duke rikthyer në Romë një trofe që i mungonte prej katërmbëdhjetë vitesh. Por ai e di që për të përsëritur veten duhet të përmirësohesh. Ai ia kishte bërë të qartë Friedkins, menjëherë pasi festuan së bashku suksesin e tyre europian. Roma ka vështirësi në merkato, si pothuajse të gjitha klubet e tjera. Duhet të përpiqet të shesë në mënyrë që të kënaqë Mourinhon dhe shitja e Zanioloit do të ndihmonte për të bërë para për blerjet që mungojnë. Por ka edhe pesëmbëdhjetë lojtarë për t’u zgjidhur, shumë prej të cilëve nuk do të thirren në Portugali. Mourinho dëshiron ta sjellë Romën gati në startin e kampionatit. Skuadra do të luajë gati dhjetë miqësore para debutimit kundër Salernitana. Njëra ishte planifikuar në Trigoria kundër Ascolit në fund të muajit, duke u kthyer nga Portugalia dhe përpara se të luante në Izrael kundër Tottenhamit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
