.png)
Nga Gazeta Si – Dy fitore radhazi në eventet “Sprint” për Marco Bezzecchi-n (Aprilia Racing) – dhe megjithëse italiani ia vështirësoi vetes, ai arriti të kalojë Raul Fernandez (Trackhouse MotoGP Team) 3 xhiro para fundit për të siguruar fitoren.
Podiumi u plotësua nga Pedro Acosta (Red Bull KTM Factory Racing). Ndërsa nga vendi i tretë deri në të pestin u ndanë vetëm nga një e dhjeta e sekondës.
Acosta arriti t’i rezistojë presionit të fundit nga Jack Miller dhe Fabio Di Giannantonio, duke ruajtur vendin e tretë në finish – për “Sprint”-in e parë pa asnjë Ducati në top 3.
Pas pesë të parëve, Alex Marquez ishte më i miri për konstruktorin italian me vendin e 6. Fabio Quartararo u rendit i shtati dhe shpreson për një paraqitje më të mirë garën e të dielës, ndërsa Luca Marini (Honda HRC Castrol) dhe Aleix Espargaro plotësuan zonën e pikëve.
Më herët Fabio Quartararo (Monster Energy Yamaha MotoGP) vendosi një rekord absolut për xhiron më të shpejtë në Phillip Island. Ishte pikërisht ajo që duhej për të mposhtur Marco Bezzecchi-n (Aprilia Racing) dhe për të siguruar “pole position”-in.
Me kohën 1’26”465, “El Diablo” ishte 0.031 sekonda më i shpejtë se italiani. Në rreshtin e parë të startit do t’u bashkohet heroi vendas Jack Miller (Prima Pramac Yamaha MotoGP), i cili kaloi me sukses nga sesioni i parë dhe duke gëzuar tifozët australianë.
Ky ishte një sesion kualifikues i vërtetë në “Ishull”. Raul Fernandez u përmirësua në momentet e fundit për të zënë vendin e katërt, ndërsa Pedro Acosta dhe Alex Marquez do të nisin nga rreshti i dytë (P5 dhe P6).
Fermin Aldeguer do të nisë sulmin e tij për fitoren nga vendi i shtatë, Aleix Espargaro do të startojë nga i 8, ndërsa Luca Marini mbyll rreshtin e tretë si piloti më i mirë i HRC.
Në rreshtin e katërt, Fabio Di Giannantonio do të niset nga vendi i dhjetë, përpara Francesco Bagnaia-s, i cili u detyrua të ndërpriste xhiron e tij të fundit, dhe Alex Rins-it (Monster Energy Yamaha MotoGP).
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
