.png)
Gazeta Si – Piloti italian, Françesko Banjaia, ka fituar garën e fundit dhe është konfirmuar kampion bote në MotoGP. Ai ka triumfuar edhe në aktin final të Botërorit në Valencia. Cirkuiti spanjoll e ka kurorëzuar sërish, 385 ditë pas titullit të fituar në këtë pistë një vit më pare, me të njëjtin Dukati.
Italiani e ka mbyllur në mënyrën më të mirë, duke fituar garën, por Botërori i tij u vendos më parë, konkretisht në xhiron e 6-të, kur rivali i tij, Jorge Martin, u rrëzua, i tradhëtuar nga nervat. Piloti spanjoll e ekzagjeroi në kthesën 4, duke goditur Mark Markez, duke e përfunduar garën dhe kampionatin në rërë.
AND STILL! 💪
— MotoGP™🏁 (@MotoGP) November 26, 2023
It's back-to-back glory for @PeccoBagnaia, your 2023 #MotoGP World Champion!🤩
#BACK2BACKgnaia 🏆🏆 pic.twitter.com/xAXnKdH7t9
Një epilog i hidhur për një kampionat intensiv, i përjetuar me duelin e dy pilotëve të mëdhenj. Botërori i Banjaias, me 14 pikë avantazh, u ‘bekua’ edhe nga vendi i parë në nisje. Në garë, gabimet e Brad Binder dhe Xhek Miler shtruan ‘tapetin e kuq’ për italianin kampion në fuqi.
SLAM DUNK TO HIS 2nd #MotoGP title 🏀@PeccoBagnaia, this moment is all yours! 👏#BACK2BACKgnaia 🏆🏆 pic.twitter.com/eILI9AHAEt
— MotoGP™🏁 (@MotoGP) November 26, 2023
Banjaia festoi në stilin NBA, me 3 unaza në gishta. Titulli i dytë e çon atë në majat më të larta të motoçiklizmit botëror. Në moshën 26-vjeçare është kampion i dyfishtë, duke hyrë në rrethin e ngushtë të pilotëve që kanë fituar 2 tituj radhazi. Banjaia bashkohet me emra të mëdhenj, si Valentino Rosi dhe Mark Markez.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
