.png)
Gazeta Si - Reshjet e shiut me erë të fortë do të rikthehen sërish këtë fundjavë në një pjesë të mirë të territorit të vendit.
Drejtoria e Përgjithshme Detare, ka paralajmëruar drejtuesit e mjeteve të vogla të lundruese dhe anijeve të peshkimit të marrin masa për sigurinë e tyre.
Sipas Drejtorisë Detare, sot dhe dy ditët në vazhdim, kushtet e motit do të jenë të përkeqësuara. Ndërsa për anijet e tjera, operimi do të vazhdojë normalisht.
Sipas DPD, moti do të jetë i përkeqësuar përgjatë bregdetit shqiptar duke filluar nga ora 16:00 datë 30 nëntor në drejtimin jug-juglindje deri në forcën 6-7bft me shpejtësi ere deri 25m/s dhe lartësi dallge nga 2.50 deri 3.5 metra.
"Anijet e transportit ndërkombëtar detar për pasagjerë dhe automjete në linjën e Vlorë-Brindizi-Vlorë, ditën e sotme do të vazhdojnë të operojnë normalisht sipas destinacioneve. Ndërsa nësër do të pezullohen deri në përmirësimin e kushteve hidrometeorologjike. Anijet e linjës Sarandë-Korfuz-Sarande do të operojnë normalisht", - thuhet në njoftim.
Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë mbas orës 22:00 të datës 2 dhjetor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
