Gazeta Si – Në stadiumin e Kukësit është e pamundur të luhet dhe ndeshjen e javës së 14-të ndaj Skënderbeut skuadra veriore do ta zhvillojë në kryeqytet. Kjo ndeshje do të luhet në ‘shtëpinë’ e Partizanit, në ‘Arena e Demave’.
Vendimi është marrë sot dhe është bërë i ditur nga klubi kuksian. Ditët e fundit vendi ynë është pushtuar nga një mot shumë i fohtë dhe nga reshjet e dëborës. Në qytetin e Kukësit situata ka qenë mjaft problematike dhe kështu ekipi i futbollit është spostuar në Tiranë.
Në fakt, Kukësi stërvitet në Tiranë dhe në Kukës shkon vetëm për ndeshjet zyrtare. Ndoshta në kryeqytet mund të ketë më shumë mbështetje nga shkallët e stadiumit, sepse në Tiranë jetojnë shumë tifozë me origjinë nga qyteti verior. Ndeshja me Skënderbeun luhet ditën e martë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
