.png)
Momente paniku në fushë gjatë ndeshjes Danimarkë-Finlandë. I gjithë stadiumi ngrin, Kristian Eriksen humb ndjenjat dhe situata është dukur menjëherë serioze, por tashmë vjen lajmi i mirë se gjendja e tij është stabilizuar. E ka konfirmuar edhe UEFA me një postim në Tuiter.
Following the medical emergency involving Denmark’s player Christian Eriksen, a crisis meeting has taken place with both teams and match officials and further information will be communicated at 19:45 CET.
— UEFA (@UEFA) June 12, 2021
The player has been transferred to the hospital and has been stabilised.
Eriksen po i afrohej një shoku skuadre që po kryente rivënien anësore dhe papritur ra në fushë. Drejt lojtarit të Interit vrapoi menjëherë stafi mjekësor dhe u desh një masazh kardiak në këtë situatë për ta mbajtur në jetë. Shokët e ekipit formuan një kordon për të mos lejuar kamerat të filmonin.
Mesfushori danez pati vështirësi për të ardhur në vete. Pas disa minutash masazh kardiak nga stafi mjekësor, ai është transportuar me barrelë drejt autoambulancës..
Lojtarët e tjerë kanë shpërthyen në lot, duke parë ato momente të frikshme. Në fushë zbriti edhe bashkëshortja e futbollistit. Fotoja që i mbajti të gjithë me shpresë është ajo ku Eriksen dallohet, duke mbajtur ballin me dorë, teksa transportohej me barrelë për në spital, ku më pas situata u stabilizua. Ndeshja u ndërpre zyrtarisht nga UEFA në minutën e 43-të, kur rezultati ishte 0-0.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
