Gazeta Si – Dy mjekët dhe infermieri të cilët i dhanë ndihmën e parë mjekësore në shtëpi të plagosurit Nuredin Dumani, janë liruar.
Gjykata e Elbasanit, duke rivlerësuar masat e sigurisë, ka vendosur “detyrim paraqitje” për mjekun kirurg Julian Malaj në spital, ku ndodhet i shtruar për shkak të problemeve shëndetësore.
Ndërsa mjeku Ermal Gjeci dhe infermieri Bledar Berdalli u lanë në “arrest shtëpie”.
Arrestimi i tyre është bërë pas atentatit ndaj Nuredin Dumanit në Elbasan, i cili braktisi mjetin tip BMË pak metra larg vendit ku ndodhi atentati dhe u arratis drejt Fierit.
Mjekët akuzohen për moskallëzim krimi, pasi nuk raportuan në polici se kishin mjekuar të shumëkrkuarin. Në deklarimet e tyre ata kanë thënë se nuk e njihnin atë dhe as kishin dijeni për të shkuarën e Dumanit.
Një ditë më parë, Gjykata e Elbasanit ka lënë në burg ‘ushtarin’ e Nuredin Dumanit, Henrik Hoxhajn, ndërsa e dashura e tij, 20-vjeçarja nga Kosova. M.H., është lënë në ‘detyrim paraqitje’.
Përpara trupit gjykues, ajo është shprehur se nuk e dinte të shkuarën e Nuredin Dumanit, pasi ai i ishte prezantuar me një emër tjetër.
Dumani u vu në pranga para disa ditësh vetëm pak orë pasi ishte plagosur pas përplasjes me armë zjarri që dyshohet se pati me ish-mikun e tij Talo Çel në Papër të Elbasanit. Pas atentatit ai u plagos dhe u strehua në Fier, por që u kap nga policia.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
