Gazeta Si – Menjëherë protagonist në futbollin rus Mirlind Daku. Sulmuesi i ri i Kombëtares shqiptare ka bërë një debutim fantastik me fanellën e Rubin Kazanit, ku u transferua vetëm pak kohë më parë.
Daku gjeti golin në ndeshjen e parë me Rubinin. Ai shënoi vetëm pas 3 minutash ndaj Lokomotivës së Moskës, duke devijuar saktë me kokë një top të krosuar nga e majta. Prekja e parë e topit dhe goli i parë.
Rubin make an explosive return to RPL. Rozhkov with a nice cross, in his 1st game in adult football, which Daku heads in just 3 minutes into the game. pic.twitter.com/iSj8ILrFjt
— RPL Sky (@RPLNews_eng) July 22, 2023
Më pas sulmuesi 25-vjeçar dha pasimin për golin e dytë të Rubit. Ai qëndroi në fushë deri në minutën e 75-të, duke bërë një debutim ndoshta më të mirë nga sa mund ta kishte menduar. Daku u shpall edhe ‘Lojtari i ndeshjes’ për atë çfarë dha në fushë. Jo më kot klubi rus pagoi 1.5 milionë euro për këtë futbollist.
This time Daku provides an assist to his forward partner Fameyeh to put Rubin back into the lead. pic.twitter.com/hplBA7IHJ3
— RPL Sky (@RPLNews_eng) July 22, 2023
Me siguri Daku do ta ndihmojë edhe Kombëtaren shqiptare në ndeshjet e shtatorit me Çekinë dhe Poloninë, që janë vendimtare për objetivin e kualifikimit të mundshëm në Euro 2024. Me këtë formë që ka treguar që në startin e aventurës ruse, ai do të jetë një ‘armë’ më shumë për trajnerin Silvinjo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
