Kosova ka miratuar vaksinimin e fëmijëve të grupmoshës 12-15 vjeç. Ministria e Shëndetësisë ka bërë me dije se vaksinimi i kësaj grupmoshë bëhet në të gjitha qendrat e vaksinimit dhe se do të kryhet vetëm në prani të prindërve, ndërsa vaksina e përdorur do të jetë Pfizer.
“Për vaksinimin e fëmijëve të kësaj grup-moshe, prindërit e tyre ose kujdestarët ligjor nuk kanë nevojë të caktojnë paraprakisht termin, por vetëm të paraqiten në qendrën e vaksinimit në komunën përkatëse. Ky vendim është bazuar në rekomandimet e EMA, FDA, CDC, dhe në praktikat e shumë shteteve të cilat deri tash kanë arritur shkallë të konsiderueshme të vaksinimit të fëmijëve të kësaj moshe me vaksinën kundër COVID-19”, thuhet në njoftim.
Ministria e Shëndetësisë gjithashtu ka theksuar se efikasiteti i kësaj vaksine është i lartë , referuar edhe vendeve të cilat kanë nisur të aplikojnë vaksinë kundër Covid tek kjo grupmoshë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
