Miratohet trajtimi që ndërpret zhvillimin e kancerit të mushkërive

Një pilulë që ndërpret kancerin e mushkërive të zhvillohet nga kompania farmaceutike Amgen Inc u aprovua nga Administrata e Ushqimit dhe Barnave në SHBA, duke shtuar një arsenal të ri për luftën ndaj kësaj sëmundje. Medikamenti i quajtur “Lumakras”, u miratua të Premten për të trajtuar një pjesë të pacientëve me kancer të mushkërive me një mutacion të veçantë gjenetik. Mutacioni, i njohur si KRAS, është ndër më të zakonshmit që gjendet tek kjo sëmundje, por studiuesit u përpoqën për shumë vite për të gjetur një ilaç që mund ta kuronte atë, saqë mutacioni u konsiderua “i pa depërtueshëm”.
“Miratimi i FDA, i cili ka përshpejtuar provat klinike që nga rezultatet e para në vitin 2019, është një vërtetim për aftësitë e zbulimit të ilaçeve të Amgen,” thonë analistët. Gjithashtu ata e cilësojnë këtë medicament si një pikë referimi për të gjetur ilaçe të reja për të trajtuar edhe sëmundje të tjera përveç kancerit. Amgen është ndër prodhuesit e ilaçeve që kanë riorientuar përpjekjet e tyre kërkimore rreth njohurive të marra nga përparimet shkencore në të kuptuarit e rolit të gjenetikës dhe biologjisë qelizore tek sëmundjet. Kompanitë janë duke përdorur analitikë të të dhënave për të kontrolluar depërtimet molekulare dhe për të identifikuar objektivat për ilaçe të reja potencialisht të fuqishme dhe fitimprurëse.

“Mutacionet KRAS janë konsideruar prej kohësh rezistente duke shfaqur një nevojë të madhe për të gjetur trajtime të reja. Miratimi i sotëm përfaqëson një hap të rëndësishëm drejt një të ardhme ku më shumë pacientë do të kenë një qasje të personalizuar të trajtimit”, tha Richard Pazdur, shefi i sektorit të ilaçeve të kancerit të FDA.
Kompania do të financojë 17,900 dollarë në muaj për ilaçin në SHBA, tha një zëdhënëse e Amgen. Analistët parashikojnë që ilaçi përfundimisht mund të sigurojë më shumë se 1 miliard dollarë në shitje vjetore. Shkencëtarët e kompanisë zbuluan ilaçin në fund të vitit 2017 dhe e zhvendosën atë në provat klinike një vit më vonë. FDA miratoi Lumakras bazuar në një studim në fazën mesatare që tregon se ilaçi ndihmoi në kontrollin e sëmundjes në 80.6% të pacientëve. Sipas të dhënave në mesatare të përgjithshme pacientët jetuar 6-8 muaj pa pasur anjë përkeqësim më tej me sëmundjen e tyre.

Amgen do të duhet të përfundojë një studim më të madh, atë që quhet tashmë “Faza 3” për të konfirmuar përfitimet e ilaçit nën programin e miratimit të përshpejtuar të FDA.
Shumica e pacientëve me KRAS trajtohen fillimisht me një ilaç tjetër të synuar, siç është Keytruda i Merck & Co., të cilin mjekët ndonjherë e kombinojnë me kimioterapinë.
“Kur përfundon trajtimi i linjës së parë, pacientëve nuk u mbeten shumë mundësi,” tha Bob Li, një onkolog mjekësor në “Memorial Sloan Kettering Cancer Center” dhe drejtues për studimin e Lumakras.
Prodhuesit e tjerë të ilaçeve që kanë qëllim të zhvillojnë medikamente të ngjashme përfshijnë Mirati Therapeutics Inc., e cila synon të kërkojë miratimin e FDA për pilulën e saj të synuar ndaj KRAS si një trajtim i kancerit të mushkërive.
Eli Lilly & Co. kohët e fundit thanë se planifikon të fillojë një studim të Fazës 1 të një ilaçi të ri për KRAS këtë vit.
Për shumë vite, kompania Amgen ka qenë e njohur në mesin e analistëve për shitjet dhe aftësitë e saj në treg, sesa për zbulimet e saj shkencore. Megjithatë, shitjet kanë rënë për disa nga ekskluzivitetet kryesore të kompanisë, si ilaçi për anemi i quajtur Epogen dhe trajtimi mbështetës i kancerit Neupogen, pasi patentat e tyre skaduan.
Burimi:The Wall Street Journal/Përshtati:Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.