.png)
Një trajtim ilaç “revolucionar” që ndryshon jetën për sëmundjen e qelizave drapër do të vihet në dispozicion në Shërbimin Shëndetësor Kombëtar në Londër. Ekspertët shprehen se është trajtimi i parë për këtë sëmundje dhe do të vihet në dispozicion për rreth 300 pacientë, por do të shtrihet në 450 në vitet e ardhshme pas vendimit të Institutit Kombëtar për Përsosmërinë e Shëndetit dhe Kujdesit (Nice), i cili rekomandoi që ilaçi të përdorej.
Sëmundja e qelizave drapër është një gjendje shëndetësore serioze dhe e përjetshme që shkakton dhimbje të forta dhe dëmtim të organeve që shpesh kërkojnë shtrimin në spital. Ilaçi i ri, i njohur si crizanlizumab, do të merret në mënyrë intravenoze dhe funksionon duke u lidhur me një proteinë në qelizat e gjakut për të parandaluar kufizimin e furnizimit me gjak dhe oksigjen. Sipas ekspertëve shpresohet që ilaçi të zvogëlojë vizitat e pacientëve në spital me dy të pestat.
Njerëzit mbi 16 vjeç që vuajnë nga kriza të shumta të qelizave drapër çdo vit do të kenë të drejtë për trajtim.
Nice tha se nuk mund ta rekomandonte ilaçin për përdorim rutinë ende për shkak të pasigurisë së lartë në lidhje me efektivitetin afatgjatë të trajtimit dhe kostot e tij të lidhura.
Hayley King, themeluesi i Cianna -s, një organizatë bamirëse që mbështet dhe edukon familjet për aneminë e qelizave drapër në Mbretërinë e Bashkuar, tha duhet të jemi jashtëzakonisht të lehtësuar që më në fund një trajtim i ri është zhvilluar dhe do të jetë i disponueshëm për të prekurit.
Shefja ekzekutive e Shërbimit Kombëtar në Londër Amanda Pritchard tha se ky është një moment historik për njerëzit me sëmundje të qelizave drapër, të cilëve do t’u jepet trajtimi i tyre i parë.
“Ky trajtim revolucionar do të ndihmojë në shpëtimin e jetëve, do t’i lejojë pacientët të kenë një cilësi më të mirë të jetës dhe të zvogëlojë vizitat e tyre në spital,” shtoi ajo.
Burimi:The Indpendent/Përshtati:Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje