Gazeta Si – Kombëtarja shqiptare, ose më saktë një seleksion nga Superiorja, ka barazuar 1-1 në Abu Dabi me Arabinë Saudite. Një miqësore misterioze kjo për tifozët shqiptarë, të cilët nuk patën mundësi ta shikonin ndeshjen, sepse ajo nuk u transmetua nga asnjë televizion.
Trajneri Reja hodhi në fushë nga minuta e parë këta lojtarë: Kastrati, Gurishta, Bitri, Turkaj, Marku, Mala, Deliu, Muçolli, Hadroj, Cikalleshi dhe Xhixha.
Pjesa e parë u mbyll në avantazhin e vendësve, të cilët shënuan me penallti. Sapo nisi pjesa e dytë, kur në fushë u futën edhe lojtarët me përvojë të Kombëtares, Roshi e Balaj, kuqezinjtë gjetën barazimin. Sulmuesi shkodran shënoi pas pasimit të mesfushorit fierak.
Më 9 nëntor Shqipëria do të luajë një tjetër miqësore me Katarin. Kjo ndeshje do të zhvillohet në Spanjë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
