Gazeta Si – Nga miqësoret e luksit për kombëtaret më të mëdha bie në sy humbja e Anglisë në ‘Wembley’ ndaj Brazilit. Sfida u vendos nga ‘baby’ fenomeni i Real Madrid (nga qershori), Endrik. Ai realizoi golin e fitores me portën e boshatisur.
Kjo miqësore e prolifit të lartë nisi mirë për 5 herë kampionët e botës, të cilët e mbyllën skuadrën e Southgejt në gjysmëfushën e saj. Më pas të zotët e shtëpisë e morën veten me dyshen Foden-Belingam. Anglezët shtuan presionin në fundin e pjesës së parë, por rrezikuan të pësonin në minutën e 35-të, kur Paketa goditi shtyllën.
Pjesa e dytë nisi me Anglinë në kërkim të golit, kurse Brazili shrytëzoi kundërsulmet dhe në një të tillë gjeti golin e fitores. Pas një sulmi të shpejtë të skuadrës së drejtuar nga Dorival, Endrik e depozitoi topin në rrjetë.
Një tjetër miqëosre luksi u luajt në Lion, mes dy skuadrave të mëdha europiane, si Franca dhe Gjermania. Ka befasuar skuadra e trajnerit Nagelsman me një fitore 0-2.
Virtz shënoi golin e parë për gjermanët vetëm pas 7 sekondash nga starti i ndeshjes. Kai Havert dyfishoi shifrat sapo nisi pjesa e dytë. Franca, pavarësisht ndërrimeve të bëra nga trajneri Didier Deshamp, i cili hodhi në fushë lojtrë me përvojë, si Zhiru, Teoa Hernandez e Kamavinga, nuk mundi të shënonte në këtë ndeshje.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
