Gazeta Si – Kombëtarja shqiptare e minifutbollit ka arritur një sukses sot historik, duke u kualifikuar për në gjysmëfinale të ‘EuroCup’. Skuadra jonë mundi 2-1 Spanjën në ndeshjen e fundit në Grupin C dhe siguroi kalimin e grupit, gjë që nuk kishte ndodhur kurrë më parë.
Asnjëherë më parë Shqipëria e minifutbollit nuk e ka kaluar fazën e grupeve. Kuqezinjtë e nisën ndeshjen shumë mirë, duke realizuar 2 gola, fillimisht me Gledis Nuzën dhe më pas me Endri Kacën.
Spanja ngushtoi rezultatin në minutën e 35-të, me anë të Rodriguez, por pa e vënë në rrezik fitoren e Shqipërisë. Kuqezinjtë presin të mësojnë kundërshtarin e gjysmëfinales, që do të dalë nga sfida mes Gjeorgjisë dhe Qipros.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
