Gazeta Si – Një penallti e Niko Gonzalez dhe një gjuajte me kokë e Joviç vendosën ndeshjen në Firence. I kotë goli i Teo Hernandez në shtesë për kuqezinjtë.
Në ndeshjen e katërt të javës së 25-të të Serisë A, Fiorentina mundi 2-1 Milanin, që ndal kështu vrapin e Championsit, duke rrëshkitur në vend të katërt, pas Napolit dhe Lacios dhe me pikë të barabarta me Interin. Një fitore e merituar për toskanët, që në pjesën e parë u ndalën nga Maignan dhe Tomori.
Në të dytën Fiorentina gjeti golat, të parin me një penallti të fituar nga Ikone pas një faulli të Tomorit. Niko Gonzalez u tregua i saktë nga pika e bardhë. Pastaj portieri Terraçano mbajti larg Milanin dhe në fund Joviç dyfishoi me një zhytje me kokë.
Në minutën e 5-të shtesë Teo Hernandez realizoi golin që vlen vetëm për statistika për Milanin. Skuadra e Piolit dukej se ishte me mendje në Londër, te ndeshja e kthimit në Champions ndaj Totenhemit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
