Gazeta Si – Pas Pulisiç, klubi kuqezi kërkon edhe futbollistin e ri të Valencias. Mesfushori ka dhënë ‘ok’-in, tani duhet bindur edhe klubi spanjoll.
Milani amerikan i RedBird po përgatit një tjetër goditje ‘made in USA’, pasi veshi kuqezi Kristian Pulisiç. Drejtuesit e klubit po përpiqen të mbyllin sa më parë marrëveshjen për Yunus Musah, mesfushorin e datëlindjes 2002 të Valencias. Musah zotëron 4 pasaporta: amerikane, italiane, angleze dhe ganeze. Ai do të kompletonte mesfushën e Piolit, pas zyrtarizimit të Loftus-Çik dhe Reijnders, që të martën kryen vizitat mjekësore.
Trajneri Pioli kërkon një mesfushë me muskuj, agresivitet dhe vertikalizime, prandaj dhe prej kohësh ka në shënjestër lojtarin e lindur në Nju Jork, por që është rritur Kastelfranco Veneto. Musah luan si në mesfushën me tre, ashtu edhe në skemën 4-2-3-1.
Valencia, me të cilën mesfushori ka kontratë deri në 2026-ën, kërkon 25 milionë euro, ndërsa Milani ka afruar fillimisht 13 dhe 4 bonuse. Tani që synon përshpejtimin e bisedimeve, klubi kuqezi mund ta rritë ofertën deri në 18 milionë euro, plus 2 bonuese, për të ngushtuar diferencën me atë që kërkon Valencia.
Drejtuesit kuqezinj kanë një akord paraprak me lojtarin për një kontratë me 2 milionë euro në sezon. Bashkë me Musah do të shkonin në 4 blerjet e Milanit për këtë verë dhe të gjitha me të ardhurat e siguruara nga shitja e Tonali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
