Mijëra shqiptarë kanë zbritur mbrëmë në qendër të Londrës për të festuar ditën e pavarësisë.
Daily Mail shkruan se rrugët rreth Westminster u bllokuan nga turma që valëvitnin flamuj shqiptarë dhe ndiznin fishekzjarrë, me Audi, Mercedes dhe makina sportive të shtrenjta që shiheshin duke lëvizur në trotuare dhe duke i rënë borive.
Disa njerëz u panë duke valëvitur flamuj teksa qëndronin në automjete në lëvizje, ndërsa të gjitha rrugët u bllokuan.
Policia Metropolitane konfirmoi se ka arrestuar shumë prej tyre pasi disa hodhën fishekzjarre drejt turmës, ndërsa të tjerë dyshohet se hodhën shishe drejt oficerëve.
“Policia lëshoi një urdhër shpërndarje në rrugët e Londrës, duke u dhënë të drejtën policëve që t’i detyrojnë njerëzit të largohen nga zona ose t’i ndalojnë nëse refuzojnë”, shkruan Daily Mail.
Në një seri postimesh në X (i njohur më parë si Twitter), Policia Metropolitane konfirmoi se ishin raportuar shkelje të shumta gjatë festimeve.
“Oficerët kanë ndaluar disa autokolona automjetesh që kanë udhëtuar në Londrën qendrore këtë mbrëmje. Një numër drejtuesish janë raportuar për kundërvajtje dhe janë sekuestruar disa automjete. Oficerët do të vazhdojnë të merren me sjellje antisociale”.
Policia më vonë vlerësoi se ‘rreth 1000 njerëz’ ishin mbledhur në rrugën Belvedere si pjesë e demonstratës, me mbylljen e rrugës midis York Road dhe Concert Hall Approach.
Shifrat tregojnë se të paktën 13,000 shqiptarë hynë në Britani me varka të vogla vitin e kaluar, që ishte pak më pak se një e treta e të gjithë mbërritjeve.
Burimi: Daily Mail. Përshtati: Gazeta Si.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
