Pjetër Gocaj, babai i dy vëllezërve Xhovan dhe Edmond Gocaj, që mbetën të vrarë në përleshjen me armë zjarri në plazhin e Velipojës thotë se me autorët ka pasur miqësi. Ai thotë se djemtë ja kanë vrarë në derë të shtëpisë.
“Më është fikur dera e shtëpisë. Kanë ardhur mbrëmë në derë të shtëpisë, të armatosur. Fatkeqësia ime, ata i kam pasur shokë e kolegë, se në çfarë rrethanash ma kanë bërë këtë punë e me më ardhë te dera?! Duhet të më kishin thirrur. Më shumë më njohin mua se çunat e mi. Djalin e kam pasur me nënshtetësi angleze, është djersa e tij. Nuk kam ditur gjë, se nuk na kanë njoftuar! I kam shokë. Unë jam habitur”, thotë ai.
Duke treguar se si ka ndodhur dinamika e ngjarjes, Pjetër Gocaj rrëfen se fillimisht i kanë vrarë djalin e madh, që sapo kishte ardhur nga Anglia për të investuar në Velipojë.
“Ne i kemi vendosur shezllonet përpara se të bëhej ndarja nga shteti e shezlloneve dhe ishim në pritje kur të vendosej kjo ndarje për të shikuar se ku i kemi ne dhe ku i kanë ata. Ata erdhën dhe qëlluan djalin e madh të parin që ishte me dokumenta angleze, i cili ka ardhur për te investuar dhe punuar. Pastaj qëlluan edhe djalin tjetër, djali i dytë i ka qëlluar edhe ai. Kur ka ndodhur nuk kam qenë këtu, por nuk kanë ardhur për të folur përderisa kane ardhur me armë tek dera e shtëpisë. Uroj mos t’i ndodhë me askujt”, deklaroi ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
