Metoda e ‘gurit gri’: Si të përballoni personat toksikë pa u përfshirë emocionalisht

Nga Gazeta 'Si'- Metoda e “gurit gri” është një strategji e thjeshtë për t’u mbrojtur nga sjelljet abuzive ose toksike të personave që mund të jenë pjesë e jetës suaj.

Qëllimi i saj është t’i tregoni atyre një qëndrim të ftohtë dhe indiferent duke mos i dhënë asnjë reagim emocional. Kështu ata mund të humbin interesin dhe të ndalojnë përpjekjet për të manipuluar ose provokuar.

Si funksionon metoda e “gurit gri”

Individët toksikë si narcistët apo abuzuesit emocionalë ushqehen me dramat dhe emocionet që shkaktojnë te të tjerët. Nëse ju tregoheni të pandjeshëm ndaj provokimeve të tyre, ata mund të zhgënjehen dhe të heqin dorë.

Për të përdorur këtë metodë, mjafton të:

1. Shmangni kontaktin me sy
2. Jepni përgjigje të shkurtra dhe monotone. Përqendroheni te vetja gjatë ndërveprimeve
4. Mos tregoni emocione qofshin pozitive apo negative

Kujdes gjatë zbatimit të metodës

Është e rëndësishme të mbani parasysh që disa individë mund të reagojnë keq ndaj mungesës së reagimeve tuaja. Sjellja e tyre mund të ndryshojë përkohësisht duke provuar mënyra të tjera për të tërhequr vëmendjen tuaj. Për shembull ata mund:

1. Të krijojnë situata dramatike për të tërhequr mbështetjen tuaj
2. Të sillen mirë përkohësisht që ju të mos mbroheni
3. Të përkeqësojnë sjelljen për të marrë një reagim

Sa efektive është metoda e “gurit gri”

Edhe pse kjo metodë nuk është studiuar gjerësisht, ajo mbështetet në teorinë psikologjike të zhdukjes së sjelljeve. Kur një sjellje nuk arrin rezultatin e dëshiruar, ajo me kalimin e kohës ndalon plotësisht.

Metoda e “gurit gri” mund të jetë një mënyrë e dobishme për të mbrojtur veten nga manipulimet emocionale, por mund të jetë edhe e lodhshme emocionalisht. Shtirja e mungesës së emocioneve për një kohë të gjatë mund të krijojë ndjenjë izolimi. Nëse ndiheni të rënduar, këshillohet të flisni me një specialist të shëndetit mendor për të marrë mbështetje dhe këshilla të personalizuara.

Kur duhet të shmangni këtë metodë

Metoda e “gurit gri” nuk është e përshtatshme në situata ku mund të ndiheni të rrezikuar fizikisht ose emocionalisht. Në raste të tilla siguria juaj duhet të jetë prioritet dhe ndihma profesionale është e domosdoshme.

Mos harroni: Askush nuk duhet të tolerojë sjellje abuzive. Metoda e “gurit gri” është vetëm një mjet ndër shumë të tjera që mund të përdorni për të vendosur kufij dhe për të mbrojtur mirëqenien tuaj.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.