Metaverse po lejon fëmijët të hyjnë në klube striptizmi virtuale

Disa aplikacione në metaverse janë “të rrezikshme nga dizajni”, ka paralajmëruar NSPCC, një shoqatë britanike në mbrojtjen e fëmijëve.

Një studiuese e paraqitur si një vajzë 13-vjeçare ishte dëshmitare e materialeve seksuale, ofendimeve raciste dhe një kërcënimi për përdhunim në botën e realitetit virtual.

Shefi i politikës së sigurisë së fëmijëve në internet, Andy Burroës shtoi se hetimi kishte gjetur “një kombinim të rreziqeve”.

Studiuesi i BBC vizitoi dhoma të realitetit virtual ku avatarët simulonin seksin. Asaj iu treguan lodra seksi dhe prezervativë dhe iu afruan shumë burra të rritur.

Mark Zuckerberg mendon se Metaverse mund të jetë e ardhmja e internetit, aq shumë, sa kohët e fundit ai e riemëroi Facebook si Meta, me kompaninë që investoi miliarda në zhvillimin e kufjeve të saj Oculus Quest.

Ato kufje, tani të riemërtuar Meta Quest, mendohet të ketë deri në 75% të pjesës së tregut. Një palë nga këto kufje përdori e infiltruara për të eksploruar një aplikacion dhe një pjesë të metaverses. Aplikacioni, i quajtur VRChat, është një platformë virtuale në internet të cilën përdoruesit mund ta eksplorojnë me avatarë 3D.

Aplikacionin mund ta shkarkojë kushdo, pa kontrolle apo verifikime të moshës. Kërkesa e vetme është se duhet një llogari në Facebook.

Brenda VRChat, ka dhoma ku përdoruesit mund të takohen: disa janë të të përditshme, siç është një restorant McDonald’s, për shembull por ka edhe klube për kërcim dhe striptizëm.

Një burrë i tha të infiltruares se avatarët mund “të zhvishen dhe të bëjnë gjëra të papërshkrueshme”. Të tjerë folën për “lojërat erotike”.

BBC foli gjithashtu me një aktivist të sigurisë, i cili ka kaluar muaj duke hetuar VRChat dhe i cili tani poston videot e tij në YouTube.

Ai ka folur me fëmijët që thonë se janë bërë pjesë e aplikacionit dhe janë detyruar të marrin pjesë në seks virtual.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.