Presidenti Ilir Meta dekretoi të premten gjyqtarin Sokol Ngresi si anëtar të Gjykatës së Lartë.
Bashkë me Ngresin, Gjykata e Lartë bëhet me 13 anëtarë nga 19 anëtarë që duhet të ketë në total.
Në njoftimin e shpërndarë nga presidenca, thuhet se Meta ka vendosur të dekretojë pa vonesë emrin e propozuar nga ana e KLGJ-së.
Nga e premtja Gjykata e Lartë gëzon kuorumin e nevojshëm (2/3 e anëtarëve) për t`u mbledhur dhe për të gjykuar në Kolegjet e Bashkuara.
Gjykata e Lartë, pas 5-vitesh në pamundësi për ta ushtruar këtë funksion themelor të saj, nga e premtja mundet të ndryshojë/unifikojë praktikën gjyqësore.
Ajo rikthehet në funksionalitet për të shqyrtuar çështje në Kolegje të Bashkuara dhe për të zgjidhur çështje që kanë nevojë për kuptimin dhe unifikimin e zbatimit të ligjit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
