Mesvakti para gjumit, rëndësia e tij

Nga nutricioniste Hyrida Basha- Nëse të nuk të zë gjumi pa ngrënë diçka, atëherë të paktën gjej ushqimin e duhur. Kështu jo vetëm që shuan nepsin por edhe përmirëson cilësinë e gjumit dhe shëndetin. Ndaj kam për ju disa PRO për këtë mesvaktin e paragjumit:

-Mund të humbasësh peshë: Edhe pse në gjumë trupi ka nevojë për energji. Kur shkon të flesh i/e uritur trupi ka humbur disa kalori ndaj i duhen të tjera për të rikuperuar dhe filluar një të nesërme. Kjo e detyron organizmin të mbajë yndyrnat dhe karbohidratet si energji rezervë, ndërkohë që duhet ti përdorë si karburant. Ndaj ka rëndësi të zgjedhim mesvakte që nxisin gjumin dhe që përmbajnë triptofan dhe melatoninë. Keto përbërës nxisin dhe rënien në peshë.

Triptofani

Është një aminoacid që favorizon gjumin. Nuk e prodhojmë dot natyralisht ndaj duhet ta marrim prej ushqimeve si qumësht, peshk, vezë, djath, fasule, drithëra etj.

Melatonina

Është një hormon që rregullon gjumin dhe influencon ciklin gjumë-zgjim. Prodhimi i saj varet nga ekspozimi i trupit në dritë. Burime të këtij hormoni janë qershitë, frutat arrore, banana, tërshërë, domate etj.

Mund të flesh më mirë. Një stomak i mbushur me ushqim sigurisht që të bën të duash gjumë, por ushqimi që ke konsumuar bën diferencën nëse do bësh një gjumë të rehatshëm ose jo. Ndaj nëse para gjumit konsumove një fetë integrale me gjalp kikirik, qumësht me mjaltë apo avokado apo ushqime si këto, atëherë e sigurtë që do bësh një gjumë të ëmbël e të rehatshëm.

-Mban në kontroll sheqerin në gjak. Ushqime si fruta, bajame, miell tërshërë, bukë integrale etj, rregullojnë nivelet e sheqerit në gjak. Nivele të ulëta përkthehen në pak energji dhe lodhje në ditën e nesërme, ndërkohë nivele të larta provokojnë më shumë energji duke rritur shanset për gjumë të parehatshëm.

Nëse nuk bëni kompromis me sasinë, orën dhe cilësinë e ushqimit atëherë kam për ju disa kundërshtime:

-Mund të përkeqësosh gjumin. Përvec cfarë ushqimi konsumon, problem qëndron dhe ora kur e konsumon. Nëse në orët e vona konsumon shumë kafe apo caj jeshil, atëherë cilësia e gjumit bie sepse kafeina rrit enrgjinë dhe ju mban zgjuar.

-Mund të ngadalësosh metabolizmin. Ngrënia e ushqimit para gjumit mund të ngadalësojë metabolizmin. Trupi ngadalëson funkionet e veta gjatë natës për tu përgatitur për gjumë, por konsumi i ushqimeve si mishi, ushqim i procesuar apo karbohidratet mund ta vështirësojë tretjen, duke provokuar shtim në peshë.

-Mund ta teprosh me sasinë. Nëse konsumon ushqim para gjumit, përgjithësisht kemi dëshirën të hamë shumë sasi ose të hamë ushqim si patetina, biskota, akullore, cokokrem e të tjera si këto, sidomos nëse jemi para ekranit të tv apo kompjuterit duke punuar.

-Mundëson refluksin acid dhe nxit djegien në stomak. Kujtesë: trupit i duhet dhënë koha e duhur për të tretur ushqimin para gjumit kështu redukton probleme shëndetësore. Është mirë të pushoni në krahun e majtë tuajin, në mënyrë që të shmangni refluksin. Nuk duhet të shtriheni menjëherë pas ushqimit.

-Shton rrisqe për sëmundje të tjera si obezitet, diabet dhe sëmundjet kardiake.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.