.png)
Gazeta Si – Lionel Mesi realizoi një tripletë, duke kaluar 100 golat në karrierë me fanellën e Argjentinës. Ai shënoi 3 gola që në pjesën e parë të miqësores ndaj Kurakao. Kampionët e botës e fituan ndeshjen ndaj skuadrës karaibike me rezultatin e thellë, 7-0.
Ishte ndeshja e dytë për Argjentinën pas shpalljes kampione bote në dhjetor. Mesi hapi serinë e golave pas 20 minutash me një gjuajtje në zonë, duke fiksuar kështu golin e 100-të me kombëtaren. Niko Gonzalez shënoi më pas me kokë, Mesi realizoi edhe golin numër 101 me një gjuajtje nga të tijat.
Në minutën e 37-të ylli argjentinas shënoi edhe të 102-tin me fanellën bardhekaltër, ndërsa 2 minuta më parë dha një asist për Enco Fernandez.
Kapiteni argjentinas ka përpara tashmë vetëm dy futbollistë në klasifikimin e shënuesve më të mirë me kombëtaret në ndeshje zyrtare. Ata janë portugezi Kristiano Ronaldo me 122 gola dhe iraniani Ali Daei me 109 gola.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
