Gazeta Si – UEFA ka bërë të ditur emrat e tre finalistëve për çmimin ‘Lojtari i vitit 2022/23’. Dhe ata janë Kevin De Bryjne dhe Erling Haland të Mançester Sitit, ekipit kampion të Europës, si dhe Lionel Mesi, tashmë pjesë e Inter Majemit në MLS.
Këta lojtarë janë dekretuar nëpërmjet votimit të një jurie të përbërë nga trajnerët e klubeve që kanë marrë pjesë në fazën e grupeve të Ligës së Kampionëve, Ligës së Europës dhe Ligës së Konferencës 2022/23. Po ashtu, kanë votuar edhe trajnerët e kombëtareve të meshkujve të federatave anëtare të UEFA-s.
Pjesë e jurisë ka qenë edhe një grup gazetarësh të seleksinouar nga ‘European Sports Media’ (ESM). Fituesi i këtij çmimi individual do të shpallet gjatë ceremonisë së shortit të fazës së grupeve të UEFA Champions League 2023/24, që do të hidhet të enjten e 31 gushtit në ‘Grimaldi Forum’ në Montekarlo. Atë ditë do të mësohet edhe pasuesi i Karim Benzema.
Tre kandidatët për çmimin e ‘Trajnerit të vitit’ nga UEFA janë Pep Guardiola, Luçiano Spaleti dhe Simone Inzagi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
