.png)
Gazeta Si – “Në spital të thashë lamtumirë, babë! Nga Haga të them, mirupafshim në parajsë”! Ky është mesazhi i ish-presidentit, Hashim Thaçi, në kurorën me lule për babanë e tij, Haxhiun, i cili ndërroi jetë në moshën 87-vjeçare,
Babai i Hashim Thaçit u varros në fshatin Brojë të Skenderajt, ndërkohë që në ceremoninë e varrimit kanë marrë pjesë familjarë, miq, dhe personalitete politike nga Kosova, Shqipëria dhe Maqedonia e Veriut.
Por vetë Hashim Thaçi nuk ka mundur të merrte pjesë në këtë moment të dhimbshëm, për shkak të refuzimit të kërkesës nga Gjykata Speciale në Hagë.
Ky vendim i Speciales ka ngjallur reagime të shumta mbrëmë, duke e quajtur si çnjerëzore.
Megjithatë, ai i ka dërguar një kurorë me lule me një mesazh emocionues ku shkruhet: “Në spital të thashë lamtumirë, babë. Nga Haga të them, mirupafshim në parajsë”.
Pak ditë para vdekjes, ish-presidenti erdhi në Kosovë për ta vizituar babanë e tij në QKUK i cili ishte i shtrirë aty për disa ditë për shkak të gjendjes shëndetësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
