Gazeta Si - Një 24 vjeçar është arrestuar, pasi ka kërcënuar me jetë një 57-vjeçar në Dibër, duke i dërguar në banesë një zarf me barut dhe një letër kërcënuese.
Në pranga ka rënë shtetasi me iniciale R.M., banues në Shupenzë, i dënuar më parë për dhunë në familje.
Policia thotë se i riu kishte hedhur në oborrin e shtëpisë së 57-vjeçarit me iniciale N.Ll., një zarf me një sasi të vogël pluhuri dhe një letër kërcënuese për jetën. Mësohet se në këtë letër shkruhej: “Do të të djeg me barut”.
24-vjeçari u identifikua dhe u arrestua nga policia pas këtij veprimi. Ai akuzohet për kanosje dhe mbajtje pa leje e armëve shpërthyese dhe municionit.
Policia po heton për të zbardhur motivet që e çuan të riun të ndërmerrte këtë akt.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.