Bundesliga mund të rifillojë sezonin në gjysmën e dytë të majit. Kancelaria Angela Merkel ka thënë po, pasi ka gjetur akordin me presidentët e Landeve të ndryshme. “Bundesliga mund të kthehet të luajë nga mesi i majit” ka njoftuar Merkel. “Nëse infektimi rritet, kufizimet rikthehen” ka paralajmëruar Kancelaria, duke folur jo vetëm për futbollin. Do të ketë edhe një lloj karantine për skuadrat, por nuk është e detyrueshme të zgjasë dy javë.
Federata gjermane ka organizuar një mbledhje në videokonferencë, nesër, me klubet që do të vendosin kohët e rifillimit, ku do të flitet edhe për Kupën e Gjermanisë. Nuk është vendosur ende nëse do të rifillojnë me javën e 26 me derbin e Ruhr.
“Ne morëm një vendim të arsyeshëm dhe kemi parë që masat e sigurisë janë të forta”, ka thënë presidenti i Bavarisë, Markus Soeder, në konferencë për shtyp. “Por lojtarët të respektojnë rregullat, kush i shkel ato do të paguajë pasojat. Rregullat vlejë për të gjithë, madje edhe për ata që fitojnë shumë. Nuk mund të bëjmë autogol siç i ndodhi ditët e kaluara një lojtari të Hertha”, ka thënë Soeder duke iu referuar video skandalit të Kalou.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
