Gazeta Si – Në Paris mbetet në qendër të vëmendjes e ardhmja e Lionel Mesit, ende e padeshifrueshme. Sipas asaj që bën me dije ‘Le Parisien’, përfaqësuesit e yllit argjentinas kanë kërkuar rritje page për të rinovuar kontratën që skadon në qershor.
Një ide kjo, që nuk duket në linjë me politikën e klubit francez. Drejtuesit e PSG-së kanë plane të tjera, ata duan të reduktojnë totalin e pagave të skuadrës dhe mund t’i garantojnë Mesit të njëjtën pagë që merr aktualisht edhe për një vit tjetër.
Në këtë situatë, argjentinasi po sheh edhe variantet e tjera: Arabinë Saudite, MLS-në dhe rikthimin te Barcelona.
Klubi parisien ndërkohë kërkon t’i paraprijë situatës dhe sipas shtypit francez ka një marrëvehsje në parim me sulmuesin e Napolit, Vioktor Osimhen. Për shërbimet e tij PSG është gati të shpenzojë një shifër të konsiderueshme, 150 milionë euro.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
