.png)
Gazeta Si – Skuderia e njohur e Formula 1 ka zgjedhur datën e prezantimit të makinës W15 të Ljuis Hemilton dhe Xhorxh Rasëll për Botërorin e ri.
Mercedesi i sezonit të ri do të prezantohet më 14 shkurt, një ditë para prezantimit të Ferrarit. Makinat e reja, me të cilat Hemilton dhe Rasëll do të garojnë në Botërorin 2024, do të zbulohen ditën e Shën Valentinit, sipas njoftimit zyrtar të Mercedesit në rrjetet sociale.
Ka pritshmëri të mëdha për makinat e reja të skuderisë gjermane, pas një 2023-shi pa fitore, të mbyllur në vend të dytë për konstruktorët, por me më pak se gjysmën e pikëve të Red Bull-it, (409 ndaj 860).
14.02.24. Meet the W15 🖤 pic.twitter.com/6XRmjiJC1N
— Mercedes-AMG PETRONAS F1 Team (@MercedesAMGF1) January 15, 2024
Botërori 2024 fillon të shtunën e 2 marsit, me Çmimin e Madh të Bahrejnit në pistën e Sakhirit. Kjo është gara e parë nga 24 në total në kalendar. Sezoni do të nisë me sesionin kolektiv të testeve parasezonale, që do të zhvillohet më 21-23 shkurt në të njëjtin cirkuit ku fillon kampionati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
