.png)
Nga Gazeta ‘Si’– Uragani “Melissa”, i përshkruar si më i fuqishmi që ka prekur ndonjëherë Xhamajkën, tashmë ka goditur vendin e Karaibeve me erëra deri në 280 kilometra në orë dhe rrezik për përmbytje masive e rrëshqitje toke.
Sipas të dhënave të fundit, shtatë persona kanë humbur jetën deri më tani, tre në Xhamajkë, tre në Haiti dhe një në Republikën Dominikane si pasojë e kësaj stuhie të fuqishme.
Viktimat në Xhamajkë raportohet se u përfshinë në aksidente gjatë përgatitjeve për stuhinë, teksa përpiqeshin të siguronin banesat e tyre.
Qendra Kombëtare e Uraganeve në Shtetet e Bashkuara ka paralajmëruar se “Melissa” është një uragan potencialisht vdekjeprurës, me pasoja që mund të krahasohen me ato të Maria-s në 2017 dhe Katrinës në 2005.
Kryeministri i Xhamajkës, Andrew Holness, ka bërë thirrje urgjente për evakuim në zonat më të rrezikuara, veçanërisht në pjesën perëndimore të vendit:
Autoritetet kanë vendosur kufizime të plota të lëvizjes dhe kanë hapur qendra emergjence për strehimin e banorëve. Ekipet e shpëtimit janë në gatishmëri për ndërhyrje të menjëhershme, ndërsa situata pritet të përkeqësohet orët në vijim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
