Një 29-vjeçar është arrestuar në Tiranë, pasi është kapur duke qarkulluar me mjetin e tij në rrugë me një shpejtësi vrastare, duke u kthyer në rrezik potencial për aksidente rrugore. I riu është regjistruar duke lëvizur me një shpejtësi prej 196 km/h në rrugën Tiranë-Elbasan, pranë zonës së TEG-ut.
Rezulton se i riu është ndëshkuar disa herë për shpejtësi mbi normat e lejuara, drejtim nën efektin e alkoolit si dhe me patentë të hequr. Policia njofton se i riu me iniciale B. H ka qenë duke udhëtuar me automjetin me targë AA 606 LU.
“Me shpejtësi vrastare dhe me leje drejtimi të hequr, arrestohet 29-vjeçari pranë Teg-ut. Vijon puna parandaluese e rrugorëve të kryeqytetit me fokus shkeljet që konsiderohen rrezik potencial për aksidentet rrugore si shpejtësia mbi normat e lejuara, garat e shpejtesisë si dhe drejtimi i mjeteve pas përdorimit të alkoolit”, – thuhet mes të tjerash në njoftimin e policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
